ბათუმელი ქორეოგრაფი, ბავშვის ცემის ფაქტის ახსნას, პირადი ტრაგედიით ცდილობს – მას სასამართლომ 2000-ლარიანი გირაო შეუფარდა

ძალადობის ამსახველი მძიმე კადრები ვრცელდება სოციალურ ქსელში, სადაც ცეკვის დარბაზში დამონტაჟებული კამერების ჩანაწერებში ნათლად ჩანს, თუ როგორ უსწორდება ფიზიკურად ქორეოგრაფი ერთ-ერთ ბავშვს. როგორც ირკვევა, ეს მას­წავ­ლე­ბე­ლი მე­რაბ დო­ლი­ძეა და ბათუმის მოს­წავ­ლე-ახალ­გაზ­რდო­ბის სა­სახ­ლე­ში ცეკ­ვის მას­წავ­ლებ­ლად მუ­შა­ო­ბის 25-წლი­ა­ნი გა­მოც­დი­ლე­ბა აქვს. ის სამ­სა­ხუ­რი­დან უკვე გა­ა­თა­ვი­სუფ­ლეს.

მოძალადე მომხდარს პირადი ტრაგედიით ხსნის და ამბები.გე-სთან საუბარში აცხადებს: “ცუდი ფაქ­ტი მოხ­და. ბო­დიშს ვიხ­დი, ვი­ნა­ნი­ებ, მაგ­რამ მა­ინც მაქ­ვეყ­ნე­ბენ… არ ვიცი, რა გი­თხრათ.. ეს ბავ­შვი მე­ო­რე ბავ­შვს სცემ­და და ამა­ზე გავ­ღი­ზი­ან­დი, წა­მო­ვარ­ტყი, ეს არის. არ ვიცი, ეს რო­გორ და­მე­მარ­თა, არას­დროს ბავ­შვზე ხელი არ ამი­წე­ვია. დედა ახა­ლი გარ­დაც­ვლი­ლი მყავ­და, ალ­ბათ, ამი­ტომ ვერ შე­ვი­კა­ვე თავი. სა­ჩი­ვა­რი შე­ვი­ტა­ნე, კი…

მე­ო­რე დღეს დედა და მა­მი­და შუა რე­პე­ტი­ცი­ა­ზე შე­მო­მი­ვარ­დნენ წი­ვილ-კი­ვი­ლით, ბავ­შვე­ბი შე­მი­ში­ნეს, ვთხო­ვე, რე­პე­ტი­ცია დამ­თავ­რდე­ბა და შემ­დეგ და­ვი­ლა­პა­რა­კოთ-მეთ­ქი და არ და­ი­შა­ლეს, იყო ფი­ზი­კუ­რი შე­ხე­ბაც. ეს კად­რე­ბი არ­სად გა­სუ­ლა. ამ ფაქ­ტის შემ­დეგ დი­რექ­ტორ­მა გა­მა­თა­ვი­სუფ­ლა, უბ­რა­ლოდ, მე და ად­ვო­კატ­მა მო­ვი­თხო­ვეთ, რომ არ გა­ვე­თა­ვი­სუფ­ლე­ბი­ნე, სა­ნამ სა­სა­მარ­თლო არ დას­რულ­დე­ბო­და და გა­ნა­ჩენს არ გა­მო­მი­ტან­დნენ…”

ბა­თუ­მის სა­ქა­ლა­ქო სა­სა­მარ­თლომ 2000-ლა­რი­ა­ნი გი­რაო შე­უ­ფარ­და ბა­თუ­მის მოს­წავ­ლე ახალ­გაზ­რდო­ბის სა­სახ­ლის ცეკ­ვის მას­წავ­ლე­ბელს. საქ­მის დე­ტა­ლებ­ზე გა­მო­ცე­მა “ბა­თუ­მე­ლე­ბი” წერს. მათი ინ­ფორ­მა­ცი­ით, ერთი გაკ­ვე­თი­ლის გან­მავ­ლო­ბა­ში მას­წავ­ლე­ბელ­მა ბავ­შვზე არა­ერ­თხელ იძა­ლა­და, რო­გორც ფი­ზი­კუ­რად, ისე ფსი­ქო­ლო­გი­უ­რად. ფაქტს სხვა ბავ­შვე­ბიც ეს­წრე­ბოდ­ნენ. ეს ყვე­ლა­ფე­რი სა­ვარ­ჯი­შო დარ­ბაზ­ში და­მონ­ტა­ჟე­ბულ­მა კა­მე­რებ­მა და­ა­ფიქ­სი­რა. ფაქ­ტზე და­წყე­ბუ­ლია გა­მო­ძი­ე­ბა.