ვენეციაში თანამედროვე ხელოვნების ყველაზე გავლენიანი და მასშტაბური საერთაშორისო ფორუმი, ვენეციის ბიენალე ოფიციალურად გაიხსნა და მასში დაახლოებით 100 ქვეყანა მონაწილეობს.
61-ე საერთაშორისო გამოფენა წელს მიმდინარეობს თემით მინორულ ტონებში, პროექტი, რომელიც აფრიკელი კურატორის, კოიო კუო ხედვას ეფუძნება და ყურადღებას ამახვილებს მეხსიერებაზე, კოლონიალიზმზე, ომზე, ეკოლოგიურ კრიზისსა და ადამიანურ გამოცდილებაზე. ბევრი მონაწილე წლევანდელ გამოფენას ერთგვარ კულტურულ მემორიალადაც აღიქვამს, რადგან კოიო კუო, ბიენალეს გახსნამდე ერთი წლით ადრე გარდაიცვალა.
ქართული პავილიონი ვენეციის ბიენალეზე საქართველოს წარმოადგენს როგორც კულტურების გზაჯვარედინს. მითიური არგონავტების მოგზაურობა აქ თანამედროვე ენით იკითხება, როგორც მუდმივი მოძრაობა, ცვლილება და იდენტობის ხელახლა გააზრება.
მონაწილე ხელოვანები
- საქართველო: მერაბ ბულისკირია, თათია დარჩიაშვილი, კონსტანტინე მინდაძე, გურამ ნიკოლაძე, მანუჩარ ოქროსცვარიძე, გელა პატიაშვილი, მამუკა ცეცხლაძე
- საფრანგეთი: ჟან-დომინიკ ფერუჩი, ევ რამბოზი, კარიმ ბორხასი, ანეტ ტურილო
- პოლონეთი / საფრანგეთი: ალისკა ლაჰუზენი
- ვენესუელა / აშშ: პედრო მორალესი
- იაპონია / საფრანგეთი: ეიცო საკატა
- იტალია: მაურო მარჩენარო, სილვიო რუბინო
მასპინძელი ქვეყნის პავილიონი წელს იტალიელმა არტისტმა კიარა ჩემონიმ მოამზადა. პროექტი სახელწოდებით „შენთან ერთად, ყველაფერთან ერთად“. იტალიური მედიის შეფასებით, ეს ერთ-ერთი ყველაზე „მშვიდი“, მაგრამ ამავე დროს პოლიტიკურად მნიშვნელოვანი პავილიონია წლევანდელ ბიენალეზე.
ERMES TV-ი ვენეციაში ჩავიდა და მასპინძელი და რა თქმა უნდა, საქართველოს პავილიონებს ესტუმრა.
ჟურნალისტი: ნინა მამუკაძე
ვიდეოგრაფი: ქეთა სორდინი ჯაფარიძე
Tag: ვენეციის ბიენალე
