“სიხარულით მინდა გაგიზიაროთ ერთი ძალიან მნიშვნელოვანი ინფორმაცია იტალიაში მცხოვრები ქართველი ემიგრანტებისთვის ინფორმაცია, რომელზეც დიდი ხანია ვცდილობ რეალობად მექცია და მიხარია, რომ დღეს უკვე შემიძლია თქვენამდე მოვიტანო.” ქართველი თარჯიმანი და კულტურული მედიატორი იტალიაში მაკა ხაჩოშვილი, იტალიაში მცხოვრები ემიგრანტებისთვის უმნიშვნელოვანეს ინფორმაციას გვიზიარებს.
მაკა ხაჩოშვილი: ხშირად ჩვენი თანამემამულეები სხვადასხვა საკითხის მოსაგვარებლად იძულებულები ხდებიან გადაიხადონ საკმაოდ დიდი თანხები, განსაკუთრებით თავშესაფრის მოთხოვნის (Asilo), დოკუმენტების, განათლების, ჯანმრთელობის ან სხვა ადმინისტრაციულ საკითხებთან დაკავშირებით. ბევრ შემთხვევაში კი ადამიანები უბრალოდ არ ფლობენ სწორ ინფორმაციას ამა თუ იმ სერვისების შესახებ, რომელიც მოქმედებს იტალიის ტერიტორიაზე.
სწორედ ამიტომ მინდა გაცნობოთ, რომ ნეაპოლში, საერთაშორისო ორგანიზაცია ActionAid Italia-ს ოფისში, შესაძლებელია სრულიად უფასოდ მიიღოთ დახმარება და ინფორმაცია სხვადასხვა საკითხზე.
აქ შეგიძლიათ მიიღოთ დახმარება:
თავშესაფრის მოთხოვნასთან (Asilo) დაკავშირებულ საკითხებზე.
იურიდიულ და ადმინისტრაციულ საკითხებზე
ჯანმრთელობის სერვისებთან დაკავშირებით.
განათლებისა და სწავლის შესაძლებლობებზე
უცხოეთში მიღებული დიპლომებისა და პროფესიული კვალიფიკაციის აღიარებაზე
სამუშაოსა და სოციალურ ინტეგრაციასთან დაკავშირებულ საკითხებზე
სხვადასხვა ადგილობრივ სერვისთან დაკავშირებასა და საჭირო ინფორმაციის მიღებაში.
მისამართი:
ActionAid Italia – ნეაპოლი
Via San Carlo 32
მე-3 სართული, ოფისი 10 (ჩიტოფონი 109)
შეხვედრის დასანიშნად:
WhatsApp: +39 3490868206
ან დარეკეთ
ტელეფონზე: 081 9766758
შეხვედრის ჩასაწერად უბრალოდ გამოაგზავნეთ WhatsApp შეტყობინება და მიუთითეთ:
– სახელი და გვარი
– რა საკითხზე გსურთ შეხვედრა (მაგ.: თავშესაფარი (აზილო), ჯანმრთელობა, განათლება, დოკუმენტები, სამუშაო და ა.შ.)
შემდეგ მიიღებთ პასუხს შეხვედრის თარიღისა და დროის შესახებ.
ასევე მინდა გაცნობოთ, რომ ამ სივრცეში მეც ვმუშაობ, როგორც კულტურული მედიატორი და თუ ვინმეს ენობრივი ბარიერი ექნება, თარგმანში მე დავეხმარები, ასე რომ არ შეგეშინდეთ თუ იტალიური არ იცით, მე გაგიწევთ დახმარებას ადგილზე.
გთხოვთ, გააზიაროთ ეს ინფორმაცია მაქსიმალურად, შესაძლოა სწორედ ეს პოსტი დაეხმაროს ადამიანს, რომელსაც ახლა ყველაზე მეტად სჭირდება სწორი ინფორმაცია და დახმარება, რომელსაც ფინანსური შესაძლებლობა არ აქვს, რომ ფასიანი მომსახურების ოფისებს მიმართოს.
ერთმანეთის დახმარებით უფრო მეტს შევძლებთ!
