SPID-ის უფასო ალტერნატივა, ყველაფერი ელექტრონული პირადობის მოწმობის (CIE) შესახებ!
2026 წლის 1-ლი იანვრიდან, Poste Italiane-ს SPID ფასიანი გახდა (თუმცა, პირველი წლის განმავლობაში, გააქტიურება ჯერ კიდევ უფასოა). სხვა პროვაიდერებმაც შემოიღეს ფასიანი ტარიფები. თუ ახალი პირობები არ გაკმაყოფილებთ, პროვაიდერის მიერ შეტყობინებული ცვლილების შემდეგ შეგიძლიათ უარი თქვათ მომსახურებაზე კანონით გათვალისწინებულ ვადაში, ჯარიმის გარეშე.
ბევრმა არ იცის, რომ არსებობს სრულიად უფასო ალტერნატივა — CIE (Carta d’dentità Elettronica) ანუ ელექტრონული პირადობის მოწმობა. იტალიელების უმრავლესობას ის უკვე აქვს. CIE-თი შეგიძლიათ შეხვიდეთ სახელმწიფო სერვისების ნებისმიერ პორტალზე (INPS, Agenzia delle Entrate და ა.შ.) სრულიად უფასოდ, ყოველგვარი ყოველთვიური გადასახადის გარეშე. ამისათვის, უბრალოდ, მისი გააქტიურებაა საჭირო.
როგორ გავააქტიუროთ CIE მაქსიმალური უსაფრთხოებით (მე-3 დონე), ტელეფონით?
1. საჭიროა სმარტფონი (Android ან iOS), რომელსაც აქვს NFC ფუნქცია (ჩართეთ ტელეფონის პარამეტრებიდან).
2. 8-ციფრიანი PIN კოდი (პირველი 4 ციფრი გადმოგცეს პირადობის მოწმობის მოთხოვნისას, ხოლო მეორე 4 ციფრი მოვიდოდა ფოსტით, თავად პლასტიკურ ბარათთან ერთად).
ინსტრუქცია:
- 1. ჩამოტვირთეთ აპლიკაცია CieID (Play Store-დან ან App Store-დან).
- 2. გახსენით აპლიკაცია და აირჩიეთ Accedi con lettura Carta (შესვლა ბარათის წაკითხვით).
- 3. ჩაწერეთ თქვენი 8-ციფრიანი PIN კოდი.
- 4. მიადეთ თქვენი პირადობის მოწმობა ტელეფონის უკანა მხარეს (იქ, სადაც NFC მკითხველი აქვს) და დაელოდეთ რეგისტრაციის დასრულებას.
- 5. უსაფრთხოების მე-3 დონე აქტიურია. აპლიკაცია შემოგთავაზებთ თითის ანაბეჭდის ჩართვასაც, რომ ყოველ ჯერზე კოდის წერა არ დაგჭირდეთ.
საიტზე შესვლისას ირჩევთ CIE-ს, როგორც აღვნიშნეთ შემდეგ Entra con lettura carta. ტელეფონში ავტომატურად გაიხსნება აპლიკაცია, ჩაწერთ PIN-ის ბოლო 4 ციფრს (ან დაადებთ თითს) და მიადებთ პირადობის მოწმობას ტელეფონის უკანა მხარეს. სულ ეს არის!
თუ გსურთ, რომ ყოველ ჯერზე ბარათის NFC-ით წაკითხვა აღარ დაგჭირდეთ, გაააქტიურეთ CIE-ის Livello 1 და Livello 2 (credenziali CIE) ოფიციალურ პორტალზე: www.cartaidentita.interno.gov.it ამის შემდეგ ავტორიზაცია შესაძლებელი იქნება მომხმარებლის სახელითა და პაროლით, ასევე CieID აპით, QR-კოდით, OTP-ით ან ბიომეტრიით — იმის მიხედვით, რას მოითხოვს კონკრეტული სერვისი.
