იტალია – ოჯახებში დასაქმების მსურველთათვის შემუშავებულ იქნა ახალი გზამკვლევი, რომელსაც ხელს აწერენ შრომის, განათლებისა და უნივერსიტეტებისა და კვლევების მინისტრები. ეს იქნება ახალი ტიპის სპეციალურად შემუშავებული საგანმანათლებლო კურსები, რომლის გავლა მთელი ქვეყნის მასშტაბით იქნება შესაძლებელი. Tag: დასაქმება იტალიაში
მოგეხსენებათ, ოჯახში დასაქმებული ადამიანები არიან პირები, რომლებიც უზრუნველყოფენ ფსიქოფიზიკური, სხვადასხვა ხარისხის მქონე დაავადების ადამიანების მოვლას და დახმარებას. ფიზიკური დახმარების გარდა, მათ ხშირ შემთხვევაში უწევთ მათი ადმინისტრაციული საკითხების მოგვარება, საყიდლებზე ზრუნვა, სოციალურ ან სამედიცინო პერსონალთან კომუნიკაცია.
ინიციატივის მიზანია, ოჯახში დასაქმებულმა პირმა მიიღოს ზოგადი პროფესიული ცოდნა ტრენინგის სახით. კურსის ხანგრძლივობა მინიმუმ 70 საათი იქნება და ის შეიცავს როგორც თეორიულ, ასევე პრაქტიკულ ნაწილს, ინდივიდუალურ აქტივობას.
მსურველი უნდა იყოს სრულწლოვანი. თუ ის უცხოელია, აუცილებელია ჰქონდეს ბინადრობის ნებართვა და ასევე აუცილებელია იტალიური ენის მინიმუმ A2 დონეზე ცოდნა. კურსების დასრულებისა და ტესტირების შემდეგ, გაიცემა კვალიფიკაციის დამადასტურებელი სერთიფიკატი. პროგრამა, ეტაპობრივად, მთელი ქვეუნის მასშტაბით ამოქმედდება.
Tag: დასაქმება იტალიაში
ასევე დაგაინტერესებთ: “ᲣᲤᲐᲡᲝ ᲓᲐᲮᲛᲐᲠᲔᲑᲐ ᲠᲝᲛᲘᲡ ᲔᲛᲘᲒᲠᲐᲜᲢᲔᲑᲘᲡᲗᲕᲘᲡ: “ᲐᲖᲘᲚᲝ”, ᲝᲯᲐᲮᲘᲡ ᲒᲐᲔᲠᲗᲘᲐᲜᲔᲑᲐ, ᲛᲝᲥᲐᲚᲐᲥᲔᲝᲑᲐ…” – ᲛᲐᲙᲐ ᲮᲐᲩᲝᲨᲕᲘᲚᲘ
