XXI საუკუნის პროცესებიდან გამომდინარე, მოგეხსენებათ, ციფრულ სამყაროში ვცხოვრობთ, სადაც, პროფესიონალების შერჩევა არცისე მარტივია. საქმეს ის ართულებს, რომ თითოეულ მათგანს სპეციფიური გამოცდილება და პროგრესული უნარები გააჩნია, რამაც შესაძლოა, მომხმარებლის დაბნევა გამოიწვიოს. მე კი, დღეს ამ სფეროს წარმომადგენელი, სრულიად განსხვავებული უნარების პროფესიონალი უნდა გაგაცნოთ ესპანეთიდან.
Tag: საიტების დამზადება
ჩემმა დღევანდელმა რესპონდენტმა, თბილისის სასულიერო აკადემია-სემინარიასთან არსებული ხელოვნებათმცოდნეობისა და რელიგიათმცოდნეობის ინსტიტუტი დაამთავრა, თუმცა, მიუხედავად ჰუმანიტარული განათლებისა, კარიერულ გზად, ციფრული მიმართულება აირჩია – სფერო, რომელიც დღევანდელ და მომავალ რეალობას განსაზღვრავს. მას ემიგრაციაში მიმდინარე მოვლენებთანაც მჭიდრო კავშირი აქვს, თუ რატომ, მისი პროფესიული ცხოვრების შესახებ, ჩვენი რუბრიკის “გზაჯვარედინის” სტუმარი, ემიგრანტი დეველოპერი “გიორგი” გიზო ხვედელიძე ERMES TV-ის მკითხველს თავად უამბობს:
– შეგიძლიათ, უფრო დეტალურად მოგვიყვეთ თქვენი ციფრული განათლების ხარისხის შესახებ?!
– პროფესიულ განვითარებაში მნიშვნელოვანი როლი დაიკავა თანამედროვე ტექნოლოგიებმა და ონლაინ განათლებამ. ვფლობ რამდენიმე საერთაშორისო სერთიფიკატს: Google Digital Marketing and E-Commerce Professional Certificate; Google SEO Fundamentals; UX/UI Design Certificate. ეს ცოდნა შესაძლებლობას მაძლევს, შევქმნა როგორც მომხმარებელზე ორიენტირებული, ისე ბაზრის მოთხოვნებთან შესაბამისი ციფრული პროდუქტები.
– ვინ არის გიორგი ხვედელიძე და როგორია მისი პროფესიული უნარები?!
– ვარ Senior WordPress Developer მრავალწლიანი გამოცდილებით. ვფლობ თანამედროვე ვებტექნოლოგიებსა და პროგრამირების ენებს, მათ შორის: HTML, CSS, PHP, JavaScript; WordPress ეკოსისტემა, პლაგინებისა და თემების შექმნა/მორგება; ვებ დეველოპმენტი და UI/UX დიზაინი; SaaS გადაწყვეტების დაგეგმვა და განხორციელება. ეს შესაძლებლობები მაძლევს საშუალებას, შევქმნა როგორც მარტივი ვებსაიტები, ისე მასშტაბური, მორგებული სისტემები საერთაშორისო სტანდარტებით.
– როგორც ვიცი, გაქვთ ციფრული სააგენტო Webmode. რა მომსახურებებს სთავაზობს მომხმარებელს თქვენი კომპანია?!
– 2022 წელს დავაარსე კომპანია Webmode, რომელიც მიზნად ისახავს თანამედროვე ბაზრისთვის სრულყოფილი ციფრული მომსახურების გაწევას. კომპანიის მთავარი მისიაა, დაეხმაროს, როგორც მცირე და საშუალო ბიზნესს, ისე დიდ ორგანიზაციებს, სრულად ინტეგრირებული ციფრული გადაწყვეტილებების მეშვეობით განავითარონ თავიანთი საქმიანობა. ჩვენ შეგვიძლია: ვებსაიტების შექმნა და მართვა – WordPress-ის, custom development-ისა და SaaS პლატფორმების რეალიზაცია. UX/UI დიზაინი – მომხმარებელზე ორიენტირებული ინტერფეისებისა და გამოცდილების დიზაინი; SEO ოპტიმიზაცია – საძიებო სისტემებისთვის მორგებული სტრატეგიები, რომლებიც ზრდის ბრენდისხილვადობას. ციფრული მარკეტინგი – Google Ads, Meta Ads და სხვა რეკლამების მართვა;სოციალური მედიის მართვა – კონტენტის სტრატეგიის შემუშავება და შესრულება; ბრენდინგი და გრაფიკული დიზაინი – ვიზუალური სტილის შექმნა, ლოგოები და იდენტობა; მობილური აპლიკაციების განვითარება – იდეიდან რეალიზაციამდე, თანამედროვე ტექნოლოგიებზე დაყრდნობით და ა.შ.
– რას გვეტყვით საერთაშორისო გამოცდილებებზე, კერძოდ, ესპანეთზე გეკითხებით?!
– პირველად, ესპანეთში 2019 წლის სექტემბერში ჩავედი – ოჯახთან ერთად, როგორც ტურისტი. მადრიდში ყოფნისას გავეცანი ესპანურ კულტურასა და ღირსშესანიშნაობებს. დაბრუნებამდე მივხვდი, რომ მინდოდა უფრო ღრმად შემესწავლა ეს გარემო და დროებით დავრჩი კიდეც. მალევე დაიწყო პანდემია და სამშობლოში დაბრუნების ნაცვლად, საბოლოოდ ესპანეთში დარჩენა გადავწყვიტე. ეს პერიოდი ჩემთვის გარდამტეხი აღმოჩნდა. ლოქდაუნის დროს პირადი განვითარებისკენ მივმართე ძალისხმევა და პროგრამირების ცოდნა, რომელსაც მანამდეც ვფლობდი, უფრო სიღრმისეულად განვავითარე ვებ დეველოპმენტის მიმართულებით.
– დღეს რა ეტაპზეა თქვენი პროფესიული გამოცდილება და რა არის “მეტი” თქვენში რაც კოლეგებისგან განგასხვავებთ?!
– კარიერული განვითარება ოფიციალურად 2020 წელს, პანდემიის პერიოდში დაიწყო. მას შემდეგ შევქმენი არაერთი ქართული და უცხოური ვებსაიტი, მათ შორის SaaS პროგრამები, რომლებიც სრულად ჩემ მიერ არის შექმნილი და მორგებული კონკრეტულ საჭიროებებზე. დღეს მე ვარ პროფესიონალი ჩემს საქმეში, რომელიც აერთიანებს ჰუმანიტარულ ხედვას, ტექნოლოგიურ ცოდნასა და საერთაშორისო გამოცდილებას. ჩემი მიზანია მუდმივი განვითარება, ახალი ინოვაციური პროექტების შექმნა და გლობალურ ბაზარზე აქტიური საქმიანობა.
– საინტერესოა თქვენი გამოცდილება დიასპორულ ციფრულ მედიასთან…
– 2020 წლის შემდეგ აქტიურად ჩავერთე ასევე ქართულ დიასპორასთან დაკავშირებულ ინიციატივებში. ერთ-ერთი მნიშვნელოვანი გამოცდილება იყო ქართულ ციფრულ მედიაპროექტში მონაწილეობა ესპანეთში – ხელი შევუწყვე ონლაინ გაზეთის, Georgianosenbarcelona.com-ის დაარსებას, რომელსაც ქალბატონი თამარ ბურდული ხელმძღვანელობს. ეს პროექტი მიზნად ისახავს ესპანეთში მცხოვრები ქართველების ინფორმირებას, ადგილობრივთან კავშირის გაძლიერებას და დიასპორის ხმის ფართო აუდიტორიამდე მიტანას. ჩემი ჩართულობა ძირითადად შეეხებოდა ტექნიკურ მხარეს – ვებსაიტის სტრუქტურის შექმნასა და ციფრული პლატფორმის გამართვას, რაც საშუალებას აძლევს გაზეთს სტაბილურად და თანამედროვე სტანდარტებით იმუშაოს.
ასევე, საერთაშორისო დიასპორულ პროექტ gzamkvlevi.com-ის დაარსებაში მივიღე მონანაწილეობა და შევქმენი იგი.
დიასპორულ მედიასთან თანამშრომლობა უფრო გაღრმავდა, რაც ქართულ-იტალიურ და საემიგრაციო მედია“ERMES TV”-სთან დავიწყე თანამშრომლობა. მის ხელმძღვანელს, ნინა მამუკაძეს მედიაპლატფორმის რებრენდინგი სურდა, როგორც ვიზუალურად, ასევე, ტექნიკურად და ვფიქრობ, კარგი შედეგი დავდეთ. თქვენ ახლა სწორედ ჩვენ მიერ დამუშავებულ ვებ-პორტალზე კითხულობთ ამ ინტერვიუს…
– რედაქციის გადაწყვეტილებით, ჩემი რუბრიკის თითოეული სტუმარი უტოვებს შეკითხვას შემდეგ სტუმარს. წინა ინტერვიუს რესპონდენტი, არქიტექტორი, მიხეილ მოზაიძე გეკითხებათ: ჯანსაღი გარემო, უფრო მეტად სოციალური ფაქტორების შედეგია თუ, არქიტექტურული გადაწყვეტილებების?!
– ორივე მნიშვნელოვან როლს თამაშობს დღევანდელ სამყაროში და ერთს მეორესგან ვერ გავმიჯნავთ იქ, სადაც ინფრასტრუქტურა შეუჩერებლად ვითარდება.
– რა იქნება თქვენი შეკითხვა შემდეგ რესპონდენტთან?!
– თქვენი აზრით, რომელი უნარია უნივერსალური, რაც ყველას გამოადგება?!
Tag: საიტების დამზადება
