“სამშობლოს სიყვარული და პატრიოტიზმი იმ პატარა საქმეებით გამოიხატება რომლებსაც ჩუმად, უხმაუროდ და რუდუნებით აკეთებ და რომლებიც დიდ სიტყვას ამბობენ შენი ქვეყნის ღირსეულად წარმოჩენისთვის და მისი პოპულარიზაციისთვის საერთაშორისო ასპარეზზე”, – სასიამოვნო ინფორმაციას გვიზიარებს მილანში მოქმედი კულტურულ-საგანმანათლებლო ასოციაცია “ქართული სახლი”.
“რაოდენ საამაყოა როდესაც მილანის ერთ-ერთ პრესტიჟულ უბანში, მოცარტის ქუჩაზე მდებარე ულამაზესი, იდუმალი და ცნობილი ვილა ნეკი-კამპილიოს ოფიციალურ საიტზე, მსოფლიოს სხვადასხვა ქვეყნების დროშებს შორის, ამაყად გამოჩნდა საქართველოს დროშაც.
უღრმესი მადლობა ამ უანგარო საქმისთვის, მილანის კულტურულ-საგანმანათლებლო ასოციაცია “ქართული სახლი”-ს დამფუძნებელს და ხელმძღვანელს ქალბატონ მაკა გიგიაძეს, რომელმაც თავდაპირველად წარმატებით გაიარა ლომბარდიის რეგიონის მიერ დაფინანსებული კულტურისა და ხელოვნების ორი სხვადასხვა კურსი, გახდა კულტურისა და ხელოვნების მედიატორი, მონაწილეობა მიიღო მნიშვნელოვან პროექტებში რომლებიც მილანის პრესტიჟულ და ცნობილ მუზეუმებსა და გალერეებში განხორციელდა, ხოლო შემდეგ სრულიად უანგაროდ თარგმნა ვილა ნეკის ისტორია, მის ოფიციალურ საიტზე ასატვირთად. რომელიც ძალიან დაეხმარება ქართველ ტურისტებს და ზოგადად ყველა ქართველს, ვისაც სურვილი აქვს, ამ პრესტიჟული ვილის ისტორიას გაეცნოს და ასევე ახლოდან იხილოს და შეიგრძნოს მისი სილამაზე, მდიდრული გარემო და იდუმალება, რაც მასში ჩააქსოვა მეოცე საუკუნის ერთ-ერთმა ცნობილმა იტალიელმა არქიტექტორმა პიერო პორტალუპიმ.
უღრმესი მადლობა ასევე საქართველოს გენერალურ საკონსულოს ქ. მილანში Georgia in Milan, ამ მნიშვნელოვანი პროექტების შესახებ ინფორმაციის მოწოდებისთვის. რაც ძალიან მნიშვნელობანია საქართველოსა და იტალიას შორის კულტურული ურთიერთობისა კულტურული ხიდების შექმნაში.
გვსურს ასევე მადლობა გადავუხადოთ Regione Lombardia -ს, FAI- ის (Fondo per l’Ambiente Italiano) და ასოციაცია “Amici del FAI”-ის,” – აცხადებს ასოციაცია “ქართული სახლი”.
