იტალიაში, 2025 წლის შობის კვირაში, მოსალოდნელია არასტაბილური და საშუალოზე უფრო ცივი ამინდი, ატლანტიკური/გრენლანდიური წარმოშობის ციკლონის გავლენით, რომელიც რამდენიმე დღის განმავლობაში იმოქმედებს ქვეყანაზე. მოსალოდნელია, ამინდის ეტაპობრივი გაუარესება, წვიმებით, ძლიერი ნალექებით და ტემპერატურის ვარდნით, განსაკუთრებით ორშაბათიდან 22 დეკემბრიდან ხუთშაბათამდე 25 დეკემბერი.
ნალექი
ჩრდილო-დასავლეთ იტალიაში, ტოსკანაში, ლაციოში, ტირენულ რეგიონებსა და სამხრეთში მოსალოდნელია წვიმა, ზოგან განსაკუთრებულად ინტენსიური ნალექიც. თოვლის სიამღლე ალპებში 700–1000 მ-ზე დაეცემა, ხოლო აპენინებზე 800–1200 მ-ზე, ზოგიერთ ზონაში შესაძლებელია შედარებით დაბალ სიმაღლეზეც. ციკლონი შესაძლოა ხმელთაშუა ზღვის ცენტრალურ ნაწილში გაჩერდეს, რამაც შეიძლება გამოიწვიოს გახანგრძლივებული ნალექი 25 დეკემბრამდე.
ტემპერატურა
ტემპერატურა დაიკლებს ჩრდილო-დასავლეთიდან შემოსული ცივი ჰაერის გამო, განსაკუთრებით ქვეყნის ჩრდილოეთ და ცენტრალურ ნაწილებში. სეზონურ საშუალოზე დაბალი ტემპერატურა მოსალოდნელია ძირითადად 23–26 დეკემბერს.
დღეების მიხედვით
- კვირა, 21 დეკემბერი: ღრუბლიანობის მატება დასავლეთიდან, პირველი წვიმები ჩრდილო-დასავლეთში და ამინდის გაუარესება სამხრეთში.
- ორშაბათი, 22 დეკემბერი: ცუდი ამინდის ფაზის დაწყება – წვიმა, ძლიერი ქარი და თოვლი მთებში.
- სამშაბათი, 23 დეკემბერი და შობის წინა დღე, 24 დეკემბერი: ცვალებადი პირობები წვიმებითა და შესაძლო ჭექა-ქუხილით, განსაკუთრებით ცენტრალურ-ჩრდილოეთ იტალიასა და ტირენულ სანაპიროებზე.
- შობა, 25 დეკემბერი: არასტაბილური ამინდი პერიოდული ნალექით და შედარებით დაბალი ტემპერატურით.
- 26 დეკემბრიდან: ამინდი თანდათან გაუმჯობესდება, თუმცა კვლავ შენარჩუნდება ღრუბლიანობა და სიცივე.
ამგვარად
სამხრეთი და კუნძულები: ხშირ შემთხვევაში ინტენსიური წვიმა და ამინდის მკვეთრი ცვალებადობა, განსაკუთრებით სიცილიასა და კალაბრიაში.
ჩრდილოეთ იტალია: ცუდი ამინდი წვიმითა და თოვლით ალპებში; დაბლობებზე შესაძლებელია ნისლი.
ცენტრალური იტალია: პერიოდული წვიმა და ტემპერატურის ვარდნა; თოვლი აპენინის ქედებზე.
ასევე იხილეთ: ᲒᲐᲜᲐᲗᲚᲔᲑᲐ ᲘᲢᲐᲚᲘᲐᲨᲘ – ᲡᲐᲛᲐᲒᲘᲡᲢᲠᲝ ᲞᲠᲝᲒᲠᲐᲛᲘᲡ ᲓᲐᲤᲘᲜᲐᲜᲡᲔᲑᲐ “ᲠᲝᲜᲓᲘᲜᲔ, ᲛᲨᲕᲘᲓᲝᲑᲘᲡ ᲪᲘᲢᲐᲓᲔᲚᲘ”
