რა ღირს ბინადრობის ნებართვის, იგივე Permesso di soggiorno-ს განახლება იტალიაში?
იტალიაში ბინადრობის ნებართვის (permesso di soggiorno) განახლების ღირებულება დამოკიდებულია ნებართვის ტიპზე, მოქმედების ვადასა და განაცხადის წარდგენის წესზე.
თუ განაცხადი ფოსტის საშუალებით (kit postale) იგზავნება, უნდა გაითვალისწინოთ შემდეგი ხარჯები:
- 16 ევრო – საფოსტო მარკა (marca da bollo);
- 30,46 ევრო – ელექტრონული ბინადრობის ნებართვის დამზადების საფასური;
- 30 ევრო – Poste Italiane-ს მომსახურების საფასური, განაცხადის ფოსტით გაგზავნის შემთხვევაში.
ამ თანხებს, შესაბამის შემთხვევებში, ემატება ბინადრობის ნებართვის გაცემის ან განახლების სახელმწიფო მოსაკრებელი:
- 40 ევრო – 3 თვიდან 1 წლამდე მოქმედების ბინადორბის ნებართვისთვის;
- 50 ევრო – 1-დან 2 წლამდე მოქმედების ნებართვისთვის;
- 100 ევრო – გრძელვადიანი ბინადრობის ნებართვის (permesso di soggiorno UE per soggiornanti di lungo periodo) გაცემისას.
ამგვარად:
- 116,46 ევრო – 3 თვიდან და 1 წლამდე მოქმედების ნებართვისთვის;
- 126,46 ევროს – 1-დან და 2 წლამდე მოქმედების ნებართვისთვის.
ვის არ ეკისრება 40, 50 ან 100 ევროს დამატებითი მოსაკრებელი?
კანონით ამ მოსაკრებლისგან გათავისუფლებულია რამდენიმე კატეგორია. მათ შორის:
- 18 წლამდე არასრულწლოვნები;
- პირები, რომლებიც ბინადრობის ნებართვას ითხოვენ ან აახლებენ თავშესაფრის, თავშესაფრის მოთხოვნის, სუბსიდიური დაცვის, სპეციალური დაცვისა და კანონით გათვალისწინებული ზოგიერთი განსაკუთრებული შემთხვევის საფუძველზე;
- პირები, რომლებიც ითხოვენ მოქმედი ბინადრობის ნებართვის მონაცემების განახლებას, კონვერტაციას ან დუბლიკატს;
- კანონით გათვალისწინებულ შემთხვევებში — იტალიაში სამკურნალოდ შემოსული პირები და მათი თანმხლები პირები.
მნიშვნელოვანია: დამატებითი 40, 50 ან 100 ევროს მოსაკრებლისგან გათავისუფლება არ ნიშნავს, რომ ბინადრობის ნებართვის გაფორმება სრულიად უფასოა. ელექტრონული ბინადრობის ნებართვის დამზადების 30,46 ევროს საფასური ცალკე რჩება, ხოლო სხვა ხარჯები დამოკიდებულია კონკრეტული ნებართვის ტიპსა და განაცხადის წარდგენის პროცედურაზე.
შესაბამისად, გადასახდელი საბოლოო თანხა ყველა შემთხვევაში ერთნაირი არ არის, ის უნდა განისაზღვროს კონკრეტული ბინადრობის ნებართვისა და განმცხადებლის სტატუსის მიხედვით.






















































