ოჯახის გაერთიანების პროცედურა საფრთხის წინაშეა – ევროპა ახალ შეზღუდვებს აწესებს.
ბელგიამ დაამტკიცა კანონი, რომელიც ოჯახის გაერთიანების პროცედურას საგრძნობლად ართულებს. ახალი კანონის თანახმად, ლტოლვილის სტატუსის მქონე პირს, ოჯახის გაერთიანების სურვილის შემთხვევაში, განაცხადის წარსადგენად მხოლოდ 6 თვე ეძლევა. სუბსიდიური დაცვის სტატუსის მქონე პირებს კი, ოჯახის გაერთიანების მოთხოვნა მხოლოდ 2 წლის შემდეგ შეეძლებათ.
ასევე სიტუაციას ამძიმებს აპლიკანტის მიერ წარსადგენი შემოსავლების სავალდებულო რაოდენობა, რომელიც საგრძნობლად გაიზარდა. ოჯახის გამთლიანებისთვის საჭირო მინიმალური შემოსავალი 2100-დან 2300 ევრომდე გაიზარდა. თითოეული დამატებითი ოჯახის წევრისთვის, თანხა 10%-ით იზრდება. მაგალითად, პირს, რომელსაც მეუღლისა და ორი შვილის შემოერთება სურს საბუთზე, თვეში 2700 ევროს უნდა გამოიმუშავებდეს.
გაძვირდა ასევე მოქალაქეობის მიღება, რომელიც ადრე 150 ევრო ღირდა, ახლა 1000 ევრო გახდა.
ნაციონალური პარტიის თავშესაფრისა და მიგრაციის მინისტრი შეზღუდვების მომხრეა და აცხადებს -”ჩვენს საზოგადოებას არ შეუძლია ზიდოს ამხელა ტვირთი.” რადგან ოფიციალური მონაცემების თანახმად, 2023 წელს 20 000-ზე მეტი შემოსვლა მოხდა ოჯახის გამთლიანების მიზეზით, ევროკავშირის არაწევრი ქვეყნებიდან.
ცვლილებები მხოლოდ ბელგიას არ ეხება:
– გერმანიამ შეაჩერა ოჯახის გაერთიანება სუბსიდიური დაცვის სტატუსის მქონე პირებისთვის;
– ავსტრიამ დროებით შეწყვიტა განაცხადების დამუშავება;
– პორტუგალიამ დამატებითი შეზღუდვები შემოიღო.
არასამთავრობო ორგანიზაციების განცხადებით: „ეს ნაბიჯები ზრდის ტრეფიკინგის რისკებს და არა ოჯახის დაცვისკენ, არამედ მათი დაშორებისკენ არის მიმართული. როცა კანონიერ გზას ვკარგავთ, ხალხი იძულებული ხდება არალეგალურ და სახიფათო გზებს მიმართოს.“
ასევე დაგაინტერესებთ: აპოსტილი საკმარისია – რატომ არ გჭირდებათ დოკუმენტის ლეგალიზება იტალიის საელჩოში
