იტალიის ქალაქ ფლორენციას, 12 ოქტომბერს, ნოდარ დუმბაძის სახელობის მოზარდ მაყურებელთა თეატრის დასი ეწვია სპექტაკლით “მზიანი გული ანუ მე შენ მიყვარხარ”. სამშობლოს მონატრებული ემიგრანტებისთვის სპეციალურად ჩამოტანილი “მზიანი გული” სწორედ იმ მონატრებას და სიყვარულს ატარებს, რომელიც მანძილს და დროის საზღვრებს არ სცნობს. ეს არის სამი პიესისგან შემდგარი წარმოდგენა, რომელშიც გაერთიანებულია ნოდარ დუმბაძის “ჰელადოსი” და “მე ვხედავ მზეს” და სევდიანი, მაგრამ ამავდროულად იმედიანი წარმოდგენა აფხაზეთზე, “სარა ბარა ბზია ბზბოიტ, ანუ მე შენ მიყვარხარ”
რეჟისორი: დიმიტრი ხვთისიაშვილი – ილია ჭავჭავაძის, კოტე მარჯანიშვილის, სანდრო ახმეტელის, შალვა დადიანის, ლილი იოსელიანის სახელობის პრემიების ლაურეატი
მონაწილეობენ:
სახელმწიფო და კოტე მარჯანიშვილის სახელობის პრემიების ლაურეატი – ნუგზარ ყურაშვილი,
ვერიკო ანჯაფარიძის სახელობის პრემიის ლაურეატი – თამარ მამულაშვილი,
შალვა დადიანის სახელობის პრემიის ლაურეატები – ნიკო ნანიტაშვილი, ნიკოლოზ ფაიქრიძე,
გაგა ლორთქიფანიძის სახელობის ჯილდოს მფლობელი – ნინო ლორთქიფანიძე,
ზინა კვერენჩხილაძის სახელობის ჯილდოს მფლობელი – ნაირა გელაძე,
გოგუცა კუპრაშვილის სადელობის ჯილდოს მფლობელი – ნათია კუპატაძე,
კახი კავსაძის სახელობის ჯილდოს მფლობელი – ვახტანგ ნოზაძე
მსახიობები: ნინო ანდრიაძე, ხატია მელქაძე, ეკატერინე შარიქაძე, თამარ ჭანუყვაძე, რატი გოგუაძე, ალექსანდრე კვეზერელი, გიორგი ოქრუაშვილი, გიორგი ყორღანაშვილი, ალექსანდრე შარაბიძე, ნიკა ჭკადუა, კახაბერ ჭოლაძე, ლევან ხვთისიაშვილი, ნიკა ხრიკული, ვამეხ ჯანგიძე.
ღონისძიება ჩატარდა საქართველოს კულტურის სამინისტროს, ᲤᲚᲝᲠᲔᲜᲪᲘᲘᲡ ᲬᲛ.ᲜᲘᲜᲝᲡ ᲡᲐᲛᲠᲔᲕᲚᲝ-ს და “ერმესი მედიის” ERMES TV ორგანიზებითა და მხარდაჭერით. ღონისძიების პარტნიორია ᲡᲐᲥᲐᲠᲗᲕᲔᲚᲝᲡ ᲑᲐᲜᲙᲘ, რომელმაც ფლორენციისა და ემპოლის ქართული საკვირაო სკოლების აღსაზრდელებს, პატარა ემიგრანტებს, სპექტაკლის ბილეთები საჩუქრად გადასცა.
ის ემოცია და სიყვარული, რომელიც მსახიობებმა და ემიგრანტებმა როგორც სპექტაკლის მსვლელობისას და უკვე წარმოდგენის შემდეგ გაცვალეს, კიდევ ერთი ნათელი დასტურია იმისა, თუ რამდენად დიდი დატვირთვა და მნიშვნელობა დიასპორისთვის, მაღალი დონის ქართულ-კულტურულ ღონისძიებებს უცხოეთში.
