მილანიდან პარიზამდე 6 საათში!
სასიამოვნო სიახლე მოგზაურობის მოყვარულთათვის! 2025 წლის 1 აპრილიდან კვლავ ამოქმედდება “ტრენიტალიას” ჩქაროსნული სარკინიგზო მარშრუტი მილანი-პარიზი.
მორიენის მეწყერის გამო, თითქმის ორწლიანი იძულებითი შეჩერების შემდეგ, ტურინი-ლიონის ხაზი კვლავ ამუშავდა და “ტრენიტალია” მზად არის კვლავ დააკავშიროს მილანი და პარიზი, ევროპის ეს ორი ულამაზესი ქალაქი ერთმანეთს. ეს იქნება მოგზაურობა კომფორტულად, ალპების თვალწარმტაცი ხედებით.
განრიგი და გაჩერებები
მატარებელი თითო მიმართულებით დღეში ორჯერ იმუშავებს:
- მილანის ცენტრალური სადგულიდან გასვლა 6.25 საათზე (პარიზში ჩასვლა 13.22 საათზე) და მეორე რეისი – 15.53 საათზე (ჩასვლა 22.37 საათზე).
- პარიზის Gare de Lyon-დან გასვლა 7:30 საათზე (მილანში ჩასვლა 14:07 საათზე) და მეორე რეისი – 15:20 საათზე (ჩასვლა 22:07 საათზე).
მგზავრობა დაახლოებით ექვს საათს გაგრძელდება და გააჩერებს შემდეგ ქალაქებში: ტურინი, უქსი, მოდანა, სან-ჟან-დე-მორიენი, შამბერი და ლიონი.
ბილეთები და ღირებულება
ბილეთები უკვე ხელმისაწვდომია და ღირებულება 35 ევროდან იწყება. ფასი დამოკიდებულია, თუ როდის და რამდნეი ხნოთ ადრე შეიძენთ ბილეთებს.
დადებითი მხარეები: ხელმისაწვდომი ფასები; ულამაზესი ხედები; კომფორტი; ასევე მატარებელი შესანიშნავი არჩევანია მათთვის, ვისაც ფრენა არ უყვარს; კომფორტული განრიგი;
და რაც ძალიან მნიშვნელოვანია, მატარებლით პირდაპირ ცენტრალურ სადგურში ჩახვალთ და აღარ მოგიწევთ აეროპორტიდან ქალაქამდე ტრასფერზე ზრუნვა. მილანისა და პარიზის სადგურები შესანიშნავად არის დაკავშირებული ადგილობრივ საზოგადოებრივ ტრანსპორტთან, რაც კიდევ უფრო გააადვილებს თქვენს მოგზაურობას.
ასევე დაგაინტერესებთ: თბილისსა და პარიზს შორის ფრენებს, კიდევ ერთი ავიაკომპანია იწყებს
