ხვიჩა კვარაცხელია შესაძლოა მალე პარი სენ-ჟერმენში ვიხილოთ!?
საქართველოს ნაკრებისა და “ნაპოლის” თავდამსხმელი ხვიჩა კვარაცხელია ფრანგული კლუბის “პარი სენ-ჟერმენის” ყურადღების ცენტრშია. როგორც იტალიურ პრესაში იწერება, ქრისტიან ძაკარდო, შუამავალი, დუბაიდან სპეციალურად დაბრუნდა კვარაცხელიას აგენტთან, ფრანგებსა და ნაპოლის სპორტულ დირექტორ ჯოვანი მანასთან შესახვედრად და შესაძლოა ფეხბურთელის იტალიიდან საფრანგეთში გადასვლა, ზამთრის სატრანსფერო ფანჯრის პერიოდშივე მოხდეს და შესაბამისად, ძალიან მალე, შესაძლოა ხვიჩა კვარაცხელია პარი სენ-ჟერმენში ვიხილოთ.
Il Roma-ს ინფორმაციით, აურელიო დე ლაურენტისმა ქართველ ფეხბურთელში შესაძლოა 90 მილიონი ევრო მოითხოვოს. პარიზელები კი მზად არიან, 60 მილიონი ევრო ახლავე გადაიხადონ, ხოლო ფეხბურთელს სეზონში რვა მილიონი ევროს გასამრჯელო დაუნიშნონ. მოლაპარაკებები აქტიურ ფაზაშია. Il Roma ასევე წერს, რომ “ნაპოლის” ქართველის შემცვლელი უკვე შერჩეული ჰყავს და “ლივერპულიდან” ფედერიკო კიეზას ტრანსფერზე უკვე მუშაობენ.
ასევე დაგაინტერესებთ:
“მინდა დავაფიქსირო ჩემი, როგორც ერთი მოქალაქის აზრი და პოზიცია” – ხვიჩა კვარაცხელია
