აფხაზეთიდან დევნილი სოფია ღურწკაია უკვე წლებია იტალიაში ცხოვრობს. ის პროფესიით იურისტია, თუმცა ემიგრაციაში ცხოვრება სპორტს დაუკავშირა, ახალი პროფესია შეიძინა და სპორტის სახეობა აპნოაში (ფრაიდაივინგი), იტალიის ეროვნული ჩემპიონატის გამარჯვებული გახდა. როგორც თავად აღნიშნავს, დიდი სურვილი აქვს სპორტის ამ სახეობის განვითარების და ყველა გზას ეძებს ამისათვის.
სოფია ღურწკაია: დავიბადე აფხაზეთში, 12 წლის ვიყავი როდესაც მომენიჭა იძულებით გადაადგილებულის სტატუსი. იქიდან მოყოლებული დღემდე, ჩემს დიდ ოჯახს ბევრი ადგილის გამოცვლა მოუწია, სანამ საბოლოოდ საკუთარი ჭერი გვეღირსებოდა.
– საქართველოში რას საქმიანობდით, რატომ მიიღეთ ემიგრაციაში წასვლის გადაწყვეტილება და როგორ დაიწყო თქვენი იტალიური ცხოვრება?
– Საადვოკატო საქმიანობას ვეწეოდი. ეს გადაწყვეტილება Საქართველოში მუდმივად არსებული არა სტაბილური მდგომარეონის გამო მივიღე. 11 წელია რაც ემიგრაციაში ვარ და ამ დროის მანძილზე საქართველოში არც არაფერი გაუმჯობესებულა, პირიქით. იტალიაში პირველი ნაბიჯები, როგორც წესი არის იპოვო სამსახური რაც შეიძლება მოკლე დროში და შეუდგე ენის სწავლას სამსახურთან ერთად, რაც ჩემს შემთხვევაში ძალიან კარგად დაიწყო.
– როგორი იყო პერიოდი იტალიაში, შთაბეჭდილებები და ემოცია…
– როგორც ემიგრანტმა, ფეხი ტოსკანაში ავიდგი. აქ 28 დღე დავყავი. შემდეგ “გამამწესეს” სამხრეთ იტალიაში, რადგან ჩრდილოეთში უსაბუთოდ სამსახურის შოვნა ჭირდა, სამხრეთში 7 წელი ვიცხოვრე. ახლა ისევ ტოსკანაში ვარ.
– ემიგრაციული ამბავი, რომელმაც თქვენში რაღაც რადიკალური შეცვალა…
– ყოველ ჯერზე, როცა ამ ამბავს ვყვები მეღიმება, იმდენად სასიამოვნო და კურიოზულია. ერთ დღეს პირველი სამსახურის ბებოს შვილმა დამპატიჟა ტურინში. რა თქმა უნდა, ვეწვიე. Მეორე დღესვე ამ ქალბატონის შვილმა მატიამ შემომთავზა მასთან ერთად აუზზე წასვლა, რომ ეჩვენებინა იქ რას საქმიანობდა. გავყევი და აუზის შესასვლელთან ვხედავ უამრავ სპორტსმენს, ყველა მატიას ელოდებოდა უზარმაზარი ზურგჩანთებით და “ლასტებით”. ამანაც საბარგული გააღო და თავისი სპორტული დიდი ჩანთა მომაწოდა, სიგრძით ჩემზე დიდი იყო. Საბოლოოდ გავარკვიე, რომ თურმე მატია აპნოა აკადემის ვეტერანი ისტრუქტორია და თან იტალიის ჩემპიონიც. Მოკლედ, მატიამ მაყურებლის როლი არ მაკმარა და შემომთავაზა მეც მეცადა. Ჩამაცვა ე. Წ. Muta – “ჰიდროკოსტუმი” და გამომცადა სტატიკურ აპნოაში (ხდება ღრმად ჩასუნთქვა და წყალზე გაუნძრევლად პირდაღმა წოლა სანამ გაძლებ). შედეგი იყო 3 წთ და 40 წმ, რაც პირველი ცდისთვის საკმაოდ მაღალი მაჩვენებელია, ასევე დინამიური აპნოა (“ლასტებით” წყლის ქვეშ შესაბამის მანძილზე ცურვა) აქაც 50 მეტრის გაცურვა შევძელი. ეს ყველაფერი მატიას, მისი გამოცდილებიდან გამომდინარე, ცოტა უცნაურად მოეჩვენა და როდესაც სახლში ვბრუნდებოდით, მითხრა, მირჩია, თითქმის მთხოვა, რომ ინტერესი გამომეჩინა ამ სპორტის მიმართ! ასეც მოხდა. დავიწყე ვარჯიში რეჯო-კალაბრიაში, სადაც კოვიდმაც მომისწრო და მხოლოდ გარკვეული პერიოდის შემდეგ გადავედი სხვაგან. Მატიას ჯგუფში არ ვარ, მაგრამ ის დღემდე არის ჩემი ყველაზე ძლიერი მასწავლებელი და ისტრუქტორი და რაც მთავარია კარგი ადამიანი და ნამდვილი მეგობარი.
– იტალიის ნაციონალური შეჯიბრის სტატიკურ აპნოაში ოქროს მედალი მოიპოვეთ, როგორი იყო იტალიის ნაციონალური შეჯიბრისათვის მზადება და როგორ მიხვედით ოქროს მედლამდე?
– უკვე 3 წელია რაც ფლორენციაში ვარ და შესაბამისად ფლორენციის აპნეაში ვვარჯიშობ. Ძლიერი გუნდია, ძლიერი ისტრუქტორები მყავს. აპნოა, როგორც სპორტი საკმაოდ ძლიერი და რთულია. Სხვა სპორტთან შედარებით აქ ყველა დეტალი (სიზუსტე, აზროვნება, მოქნილობა, დახვეწილობა, დროის აღქმა, ფიზიკური და ფსიქოლოგიური კონტროლი და სხვა უამრავი რამ) მუშავდება წყლის ქვეშ, ანუ სუნთქვის გარეშე. ყველაფერთან ერთად ძალიან საინტერესო და დახვეწილი სპორტია. Შეჯიბრებებისთვის ვარჯიშები გვიტარდება დამატებით. ვვარჯიშობთ მხოლოდ ისინი, ვინც შეჯიბრებებზე გავდივართ. Ვარჯიშებიც შესაბამისად განსხვავებულია. ინდივიდუალურადაც ვვარჯიშობ საკმაოდ ბევრს.
Პირველად გამიჭირდა გადაწყვეტილების მიღება გავსულიყავი, თუ არა შეჯიბრებებზე. ფლორენციის აპნოაში სულ რაღაც 2 თვის მისულიც არ ვიყავი, თან საკმაოდ გამოუცდელი და არ ვიცოდი ბევრი რამ. Საბოლოოდ სითამამემ მძლია და დავთანხმდი. ტარდებოდა ყოველწლიური შეჯიბრი ე.Წ. TUTTINAPNEA და სწორედ იქ, ჩემი მცირედი გამოცდილებით, თითქმის მოუმზადებელმა, მაგრამ საკმაოდ თავდაჯერებულმა მოვიპოვე პირველი ოქროს მედალი სტატიკურ აპნოაში. იმდენად მოულოდნელი იყო, სანამ მედალი არ გადმომცეს ჯერ კიდევ ხუმრობა მეგონა. ეს შეჯიბრი ტარდება იტალიის მასშტაბით და ამიტომ შედეგი, ანუ გამარჯვებული მაშინვე არ ვლინდება, რადგან თითოეული რეგიონი, თუ ქალაქი აგროვებს ამ მონაცემებს, შემდეგ აჯამებს მონაწილეთა შედეგებს და ავლენს მათ გამარჯვებულს, ხოლო შემდეგ ხდება ყველა რეგიონიდან თუ ქალაქიდან მიღებული შედეგების შედარება, სადაც ვლინდება I, II, III ადგილი. Წელს, 2025 წლის აპრილის ბოლომდე, ოთხ შეჯიბრზე დავგეგმეთ გასვლა. Მონაწილეობის მისაღებად ყოველ ჯერზე უნდა განაცხადო მონაწილეობას იღებ, თუ არა, მაგრამ ჩემს პასუხს შეჯიბრების ორგანიზატორი ისტრუქტორი არ ელოდება, ისე მწერს სიაში.
– საინტერესოა როგორ უთავსებთ სამსახურს, ვარჯიშს და სპორტულ კარიერას, მოგვიყევით ამის შესახებ…
– ფლორენციაში რომ გადმოვედი, ჯერ გავიგე რომელ აუზში ტარდებოდა ვარჯიშები. შემდეგ უკვე სამსახურის ძიება დავიწყე ტერიტორიულად ახლოს აუზთან. Რა თქმა უნდა მარტო ეს არ იყო საკმარისი, სამსახურის ფაქტორიც იყო გასათვალისწინებელი. ამ შედეგსაც მივაღწიე. ვარჯიშზე კვირაში 3-4-ჯერ დავდივარ.
– საქართველოში თუ აპირებთ სპორტის ამ სახეობის განვითარებას და როგორია ზოგადად თქვენი სამომავლო გეგმები?
– Საქართველოში სამწუხაროდ წყალქვეშა სპორტი ნაკლებად საინტერესოა, თუმცა ამისთვის მუშაობაა საჭირო. არის ადამიანი, რომელიც ძალ-ღონეს არ იშურებს მის განვითარებაზე. მოთხოვნის თუ თხოვნის, თუ რაც საჭიროა, წერილს წერილზე აგზავნის შესაბამის უწყებებში, მაგრამ საქართველოს მთავრობა არასოდეს აქცევდა ყურადღებას ამ საკითხს და დღეს მით უმეტეს. ძალიან რთულია დახმარების, დაფინანსების გარეშე ეს საკითხი წასწიო წინ. ეს ადამიანი გახლავთ დავით ნიკოლეიშვილი “პოსეიდონის სამყაროს” დამფუძვნებელი. Ჩვენ შარშან გვქონდა მიმოწერა, ჩემი ინიციატივა იყო ჩემი მეგობარი სპორტსმენები ჩამეყვანა საქართველოში და დავითმა ძალიან საინტერესო გასართობი პროგრამა შემომთავაზა. რაზეც ვესაუბრე ისტრუქტორებს სექტემბერში და შევთანხმდით, რომ დეკემბრის შუა რიცხვებში დავითთან ესაუბრათ, მაგრამ საქართველოში არეულობის გამო ჩათვალეს, რომ მდგომარეობა არასტაბილურია და ამ ეტაპზე უარი თქვეს იმ იმედით, რომ შემდეგში რაღაც გამოსწორდება. იტალიელები უკვე იანვარში გეგმავენ ზაფხული სად გაატარონ, ამიტომ საქართველოში სტაბილურობას ვერ დაელოდებოდნენ.
– ამ ეტაპზე რისთვის ემზადებით?
– Სხვადასხვა ტიპის შეჯიბრებებია იტალიის მასშტაბით. ერთ-ერთი ფლორენციაში ჩატარდება 30 მარტს.
ნეტო ბენდელიანი
ასევე დაგაინტერესებთ: ქართველი თარჯიმანი იტალიაში, რომელიც ERMES TV-ის გუნდის წევრი გახდა
