დაბრუნებულ მიგრანტთა დახმარების პროგრამაში რეგისტრაციას, 27 თებერვლამდე შეძლებთ, ამის შესახებ დევნილთა, ეკომიგრანტთა და საარსებო წყაროებით უზრუნველყოფის სააგენტო აცხადებს, რომელმაც დაბრუნებულ მიგრანტთა სარეინტეგრაციო დახმარების სახელმწიფო პროგრამის ფარგლებში განაცხადების მიღება დაიწყო.
პროგრამის მიზანს ემიგრაციიდან დაბრუნებული საქართველოს მოქალაქეების რეინტეგრაციის პროცესის მხარდაჭერა წარმოადგენს.
სააგენტო დაბრუნებულ მიგრანტებს შემოსავლის წყაროს გაჩენის, დასაქმებისა და თვითდასაქმების ხელშეწყობის მიზნით, პროექტებს დაუფინანსებს. საკუთარი საქმიანობის წამოწყებისა თუ გაფართოებისთვის საჭირო ინვენტარს, ტექნიკასა თუ ხელსაწყოებს მიგრანტები თავად შეარჩევენ.
საშემოსავლო პროექტების მიღება 27 თებერვლის ჩათვლით გაგრძელდება.
ამასთან, პროგრამის ფარგლებში, სააგენტო არასრულწლოვნებს სპორტულ და შემოქმედები კურსებს უფინანსებს. აღნიშნული კომპონენტის ფარგლებში განაცხადები 10 თებერვლის ჩათვლით მიიღება.
დაბრუნებულ მიგრანტებს განაცხადის გაკეთება სააგენტოსა და მის ტერიტორიულ სამმართველოებში შეუძლიათ:
▪︎ თბილისი, თამარაშვილის ქ.N15ა;
▪︎ გორი, სამების ქ.N1;
▪︎ რუსთავი, მე-17 მ/რ, N20ა;
▪︎ ზუგდიდი, დ. აღმაშენებლის ქ.N106;
▪︎ ქუთაისი, ი. აბაშიძის გამზ. N27.
დაბრუნებულ მიგრანტთა სარეინტეგრაციო დახმარების სახელმწიფო პროგრამის სხვა კომპონენტების ფარგლებში განაცხადები მუდმივ რეჟიმში მიიღება:
▪︎ სამედიცინო დახმარება და/ან მედიკამენტების დაფინანსება;
▪︎ დროებითი საცხოვრებლით უზრუნველყოფა;
▪︎ პროფესიული მომზადება-გადამზადება და კვალიფიკაციის ამაღლების ხელშეწყობა;
▪︎ ერთჯერადი ფულადი დახმარების სახით თანხის გაცემა.
პროგრამაში მონაწილეობა საქართველოს მოქალაქეებს (ან მოქალაქეობის არმქონე პირებს საქართველოში მუდმივად ცხოვრების უფლებით) შეუძლიათ, რომლებიც საზღვარგარეთ ერთ წელზე მეტ ხანს არალეგალურად იმყოფებოდნენ, ან ჰქონდათ განაცხადი თავშესაფრის მიღებაზე, ან სარგებლობდნენ თავშესაფრით და სამშობლოში ბოლო 12 თვის განმავლობაში დაბრუნდნენ.
➡︎ საქართველოში დაბრუნებულ მიგრანტთა სარეინტეგრაციო დახმარების სახელმწიფო პროგრამა
➡︎ საქართველოში დაბრუნებულ მიგრანტთა სარეინტეგრაციო დახმარების სახელმწიფო პროგრამა – დანართი N1
➡︎ სოციალური ინიციატივის დაფინანსების ან ეკონომიკური აგენტის სუბსიდირების განაცხადის ფორმა – დანართი N2
➡︎ სარეგისტრაციო ფორმა (არასრულწლოვანის) – დანართი N4
➡︎ განცხადების ფორმა ერთჯერადი ფულადი დახმარების მისაღებად – დანართი N8
