ჟურნალისტ ანა კალანდაძეს ონკოლოგიურ დაავადების სამკურნალოდ, საზოგადოების ფინანსური დახმარება სჭირდება. ამის შესახებ, ანას მეგობარი ჟურნალისტი ციცი ომანიძე სოციალურ ქსელში პოსტს აქვეყნებს, სადაც დეტალურად გვიხსნის, მეგობრის მდგომარეობას:
„მეგობრებო, ჩემი საუკეთესო მეგობრის – ანა კალანდაძის მხარდასაჭერად გაერთიანება უნდა გთხოვოთ.
მე და ანამ 21 წლის წინ გავიცანით ერთმანეთი. ორივე ჟურნალის „რეიტინგი“ ჟურნალისტები ვიყავით, ორივე დამწყებები… მას შემდეგ ერთად მოვდივართ მუდმივი ჩხუბით, სამყაროზე სხვადასხვა მოსაზრებითა და შეხედულებებით, მაგრამ მუდმივი ერთგულებით და განსაკუთრებული ურთიერთობით… აბა, შვილის ნათლიად სხვანაირ ადამიანს ხომ არ ავირჩევდი?!
მე კი არა, ანა ვინც გაიცნო და ერთხელ ნახა, ყველაზე წარუშლელი შთაბეჭდილება დატოვა, დღემდე ისეთი რესპონდენტები ურეკავენ და კითხულობენ, 10 წლის წინ ერთადერთხელ მხოლოდ ინტერვიუს გამო რომ შეხვდა.. შემიძლია თამამად ვთქვა, რომ „სიტყვის ჯადოქარია“, ყველაზე რთული ამბავიც კი ისე შეუძლია დაწეროს, რომ თვალწინ გაგიცოცხლოს ყველა სურათი და მოქმედება… ამის დასტური მისი პირველი საჯარო პოსტია იმ ვერაგი დაავადების პოვნასა და აღმოჩენაზე, რომლის გამოც ახლა თქვენი შეწუხება მიწევს.
არ მეგულება ქვეყნად ისეთი გაწონასწორებული, შინაგანი ძალისა და მყარი ფსიქიკის მქონე ადამიანი, როგორიც ანაა… ცხოვრების მანძილზე ჯანმრთელობის სხვადასხვა პრობლემას დიდი შემართებით და მოთმინებით უმკლავდებოდა… ახლაც ასეა, მიუხედავად იმისა, რომ მარჯვენა ფილტვის ავთვისებიანი სიმსივნე დაუდგინდა, თავის ტვინში გასული მეტასტაზებით…
არ არის ადვილი მოსასმენი ეს დიაგნოზი, თუმცა, თავად ანა ისეთი სიმშვიდისა და მოთმინების მაგალითია ჩვენთვის, რომ სხვაგვარად ფიქრის უფლებაც კი არ გვაქვს.
ჰოდა, ამ ბრძოლაში, მეგობრებო, თქვენი დახმარება გვჭირდება… მოგეხსენებათ, რამხელა ფინანსური რესურსი სჭირდება ონკოპციენტის მკურნალობას და ამ დაავდების მართვას.
მიუხედავად იმისა, რომ ონკოლოგიური დაავადებების მკურნალობას სახელმწიფო აფინანსებს, ამის პარალელურად უამრავი, სხვა ფინანსური ხარჯია (მედიკამენტები, არაგეგმიური ანალიზები, დამატებითი და „მოულოდენელი“ პრეპარატები)“… ჩვენ ერთხელ უკვე გავერთიანდით ანასთვის და წარმატებით დავძლიეთ პრობლემა, თუმცა, ამჯერადაც უნდა გთხოვოთ გვერდში დგომა – თქვენი და ანას კეთილი საქმეების იმედი მაქვს…
TBC – #GE91TB7223445064300036
მიმღები: ანა კალანდაძე
BOG – #GE08BG0000000813745500
მიმღები: მაია კალანდაძე
დიდი მადლობა მხარდაჭერისთვის“, – წერს ციცი ომანიძე.
